Nua che ils centers duain vegnir realisads e quants che duain esser è anc avert. Uschia n'è era anc betg cler sche centers existents vegnan fabritgads ora u sch'i vegnan fabritgads da nov.
Sco emprim era planisà da realisar in grond center da sport da naiv naziunal. Quel project è dentant vegni sistì il 2016. Cun in postulat dal cusseglier dals chantuns grischun Stefan Engler è il project puspè vegnì prendì enta pugn. Il postulat pretenda era plirs centers.
Dasper ina partizipaziun als custs da la Confederaziun duessan oravant tuttas vischnancas nua ch'ils centers vegnan bajegiads ed ils chantuns correspundents finanziar ils indrizs da sport.
Il Cussegl federal ha uss dà l’incumbensa al Departament da sport (VBS) dad elavurar la basa legala per ils centers.