Siglir tar il cuntegn

Header

cuntegn

Promoziun da medias Medias print ed online duain vegnir promovidas ensemen

Il Cussegl naziunal cul prender a mauns communablamain la promoziun da las medias da print classicas e las novas medias online. El ha refusà da separar la fatschenta sco quai che sia cumissiun aveva pretendì. Cunquai sto la cumissiun danovamain sa fatschentar cun il project.

La PS, ils Verds, la PVL e la gronda part dals commembers da las partidas dal center han furmà la maioritad en il Cussegl naziunal per betg sparter la fatschenta. Tenor quella maioritad sto la promoziun da las medias sa drizzar pli fitg al diever da las medias digitalas che creschia. Els dubitian che las medias online vegnian promovidas sin autra via, ha per exempel argumentà la cussegliera naziunala dals Verds da Genevra, Isabelle Pasquier-Eichenberger. Da questa midada da structura sajan tut ils chanals da la branscha pertutgads, uschia duain er tuts vegnir sustegnids.

PPS e PLD eran s'engaschadas per tractar la fatschenta separat. Da promover la medias online sco previs, na saja betg confurm a la constituziun, uschia l'argumentaziun. I na giaja betg da stgaffir leschas senza avair la cumpetenza per quellas en la constituziun, ha ditg Gregor Rutz da la PPS Turitg.

audio
Per tadlar: Las novitads da las 12:00
ord Novitads dals 10.09.2020. Maletg: RTR
laschar ir. Durada: 5 minutas 20 Secundas.

RTR novitads 12:00

Artitgels legids il pli savens