Siglir tar il cuntegn
cuntegn

Svizra Promoturs dals Tamil Tigers avant dretgira

A Bellinzona stattan 13 persunas ch'èn suspectadas d'avair sustegnì ils Tamil Tigers davent da la Svizra avant dretgira.

La bandiera dals Tamil Tigers.
Legenda: La bandiera dals Tamil Tigers. Keystone

Al Tribunal penal federal a Bellinzona cumenza il glindesdi il process cunter 13 Tamils che duain avair finanzià da la Svizra anora ils Tamil Tigers en Sri Lanka. Ils accusads duain avair ramassà passa 15 milliuns francs tar Tamils ch'èn fugids en Svizra – quai cun metter quels sut squitsch e per part cun sfurzar els da prender si credits pitschens tar bancas.

I sa tracta dal pli grond process ch'ha fin uss gì lieu al Tribunal penal federal a Bellinzona: Trais derschaders, 3 procuraturs publics, 3 accusaders privats e 13 accusads.

RR novitads 08:00

Guerra civila en Sri Lanka

L'organisaziun paramilitara Tamil Tigers ha cumbattì tranter il 1983 ed il 2009 per in stadi independent en il nord da Sri Lanka. Cura ch'ils cumbats han cumenzà èn millis da Tamils fugids en Svizra. La guerra civila ha terminà cun ina victoria militara da las truppas da la regenza, ch'han ina maioritad singalaisa.