Siglir tar il cuntegn
cuntegn

Svizra Prolungar surannaziun sin 20 onns

Il Cussegl naziunal vul dublar la surannaziun per donns da persunas. Pretensiuns giuridicas per tals donns duessan pir scrudar suenter 20 onns e betg gia suenter 10 onns, sco quai ch'i è oz il cas. Quai duai era valair per persunas cun donns dad asbest.

Per donns dad asbest datti ina fundaziun.
Legenda: Per donns dad asbest datti ina fundaziun, perquai na duai quai betg dar reglas specialas. Keystone

Per persunas cun donns dad asbest na duai dar naginas reglas spezialas. Uschia ha decis il Cussegl naziunal la mesemna cun 102 encunter 90 vuschs. Quai per motiv ch'i dat ina fundaziun per victimas dad asbest, ch'è vegnida fundada l’onn passà.

Donns dad asbest sa mussan per il pli pir blers onns suenter ch'ins e vegnì en contact cun il tissi. Perquai ha il tribunal europeic dals dretgs umans tranter auter crititgà la surannaziun da 10 onns.

Il Cussegl federal aveva sin quai fatg la proposta che tals donns vi da persunas duessan pir scrudar suenter 30 onns. Il Cussegl dals chantuns vuleva star tar ils 10 onns ed il Cussegl naziunal ha uss decis ch'el vul 20 onns.

RR novitads 11:00