Siglir tar il cuntegn
Inhalt

Svizra Program da promoziun ha attratg passa 260 novas firmas en Svizra

Il 2016 èn 265 firmas novas vegnidas domiciliadas en Svizra grazia al program da promoziun dal lieu da la Confederaziun. Uschia èn vegnidas creadas 1005 novas plazzas da lavur, quai communitgescha la Conferenza dals directurs chantunals d’economia publica.

In areal d'ina fabrica bandunada.
Legenda: Il program da promoziun ha purtà l'onn passà dapli che 1'000 plazzas da lavur novas. Keystone

Sco la Conferenza dals directurs chantunals d’economia publica scrivan èn las cifras quasi tuttina sco l’onn precendent. Uschia saja quai stà in onn solid cunzunt areguard las cundiziuns difficilas en il mund economic. La promoziun saja sa concentrada surtut sin interpresas cun ina auta creaziun da valur e sin interpresas innovativas. Il 2015 eran anc 264 interpresas domiciliadas en Svizra ed avevan creà 1082 plazzas da lavur novas.

Nova strategia da basa

Per ils onns 2017 fin 2019 è vegnì creà ina nova strategia da basa. Uschia duai vegnir mess il focus sin activitads en l’exteriur per attrair las industrias da clav, scriva la conferenza. La basa fundamentala resta la lavur en ils martgads da clav en Germania, Frantscha, Italia, Russia, Stadis Unids, Giapun, India, China, Gronda Britannia e Brasilia.

RR novitads 17:00