Siglir tar il cuntegn

Header

cuntegn

Products da luxus Richemont fa gudogn marcant pli bass ch'avant in onn

Il concern da products da luxus Richemont ha fatg marcantamain damain gudogn net il semester da stad. Da l'avrigl fin ils settember è quel sa reducì per 61% sin 869 milliuns euros cumpareglià cun la medema perioda avant in onn, communitgescha il concern svizzer.

Il medem temp haja Richemont però vendì dapli bischutaria ed uschia pudì augmentar la svieuta per 9% sin 7,4 milliardas euros. En l'Asia n'è la svieuta però creschida pli pauc. La raschun sajan las revoltas a Hongkong, nua che las entradas èn sa reducidas fitg. En tut las ulteriuras regiuns ha Richemont pudì crescher.

dunna cun ura da bratsch da luxus.
Legenda: Tranter auter tutgan las marcas dad uras IWC, Cartier, Vacheron Constantin e Piaget a Richemont. Keystone

RR novitads 10:00