Procuratur public general - Lauber sto temair per sia reelecziun - Novitads

Procuratur public general Lauber sto temair per sia reelecziun

Il procuratur public general Michael Lauber sto tremblar per sia reelecziun. La cumissiun da la dretgira propona al parlament da betg pli eleger el per in'ulteriura perioda d'uffizi.

Autur: SDA / Lea Livers

audio

Per tadlar curt e cumpact

ord Novitads dals 04.09.2019.

laschar ir. Durada: 1 minuta 1 Secunda.

Cun 9 cunter 6 vuschs ed 1 abstenziun è la decisiun da la cumissiun crudada. La raschun principala saja ina giuridica, han declerà il president da la cumissiun Jean-Paul Gschwind (PCD/JU) e Matthias Aebischer (PS/BE), il president da la subcumissiun responsabla.

Raschun per l'entir tohuvabohu enturn Michael Lauber è che l'autoritad da surveglianza da la Procura publica federala ha constatà che Lauber n'haja betg protocollà tut ils inscunters cun il president da la FIFA, Gianni Infantino.

Dus inscunters conceda L'auber ch'el haja gì cun Infantino. Tar in terz inscunter n'è el betg segir. El suppona ch'i saja pussaivel ch'i ha dà in terz.

Il Tribunal federal penal ha perquai decidì da sclauder Lauber da tut ils cas che pertutgan la FIFA.

Sa cuntegnair da Lauber è ina raschun

Els renvieschan sin la decisiun dal Tribunal penal federal. Quel è vegnì tar la conclusiun che Lauber haja cuntrafatg a regulaziuns dal proceder. Perquai ha el stuì star davent da tut ils cas da la Fifa. Dasperas dettia er raschuns politicas, numnadamain il sa cuntegnair dal procuratur public general, ha declerà Aebischer.

Il parlament decida ils 25 da settember.

RR novitads 14:00