Siglir tar il cuntegn
cuntegn

Svizra Procuratur public general agescha cunter islamists supponids

Actualmain èn pendentas 33 proceduras penalas cunter persunas che duain sustegnair organisaziuns terroristicas. Bun in tozzel proceduras sajan vegnidas avertas ils ultims mais, ha ditg il procuratur public general Michael Lauber a la «NZZ am Sonntag». En arrest sa chattian 3 umens.

Il procuratur public general Michael Lauber.
Legenda: «En cas da dubi avra la Procura publica federala adina ina procedura penala», ha ditg il procuratur public. Keystone

Pervi d’ina tala procedura penala sa chattan sulettamain 3 umens en arrest, uschia Lauber. Quests umens appartegnan ad ina cella suspectada da la milissa da terror Stadi Islamic a Schaffusa. In ulteriur cas da grevezza cumparegliabla na dettia quai tenor Lauber betg.

Las proceduras en savens vegnidas avertas en connex cun viadis per sustegnair organisaziuns islamicas en la Siria, en l’Irac, en la Somalia, en l’Afghanistan ni en il Pakistan, ma er per propaganda en l’internet.

RR novitads 06:00