Siglir tar il cuntegn
Inhalt

Svizra Procura publica federala cun dapli lavur

La Procura publica federala ha da cumbatter cunter terrorissem, lavar daners e corrupziun. Uschia è il dumber da mandats penals quasi sa dublegià e pliras proceduras penalas èn era vegnidas terminadas.

Michael Lauber (sanester) preschenta ils resultats – Ruedi Montanari a la dretga.
Legenda: Michael Lauber (sanester) preschenta ils resultats – Ruedi Montanari a la dretga. Keystone

Il cumbat cunter il terrorissem ha era quest onn lia bleras resursas. La primavaira 2016 ha il Tribunal penal federal sentenzià trais umens iracais pervi da la commembranza en organisaziuns criminalas. Ed en in auter cas è in um svizzer da 25 onns vegnì sentenzià d’avair sustegnì il Stadi Islamic. El era vegnì arrestà sin la plazza aviatica da Turitg cura ch’el vuleva bandunar il pajais.

Criminalitad economica

En il sectur da la criminalitad economica era la Procura publica fatschentada cun cas cumplex. Uschia han stuì vegnir furmadas gruppas sur las partiziuns. Ils puncts centrals furman las investigaziuns en connex cun cas da corrupziun sco «Petrobras/Oderbrecht», «1MDB» e «Ballape» (FIFA), scriva la Procura publica en ses rapport annual.

Intginas cifras

En l’onn 2016 ha la Procura publica federala surdà al Tribunal penal federal 17 accusas. Trais da questas accusas èn vegnidas fatgas en in proceder scursanì. En tut ha ella ordinà 1094 mandats penals. Quai correspunda prest al dubel da l'onn avant. La fin dal onn eran anc pendents 441 cas giuridics.

RR novitads 12:00