Siglir tar il cuntegn

Svizra Procura publica federala betg responsabla per AutoDaPosta

La procura publica federala n’è betg responsabla per il cas da AutoDaPosta SA. Tenor ils procuraturs publics da la Confederaziun sto l'Uffizi federal da traffic giuditgar ils delicts.

Auto da posta.
Legenda: Il cas da AutoDaPosta va enavos a l'Uffizi federal da traffic. Keystone

A questa conclusiun èn vegnids il procuratur public federal Michael Lauber ed il procuratur general da Berna Michel-André Fels.

Sco i ha num en ina communicaziun, stettian tals delicts sut la lescha federala davart il dretg penal administrativ e sajan uschia da giuditgar da l'Uffizi federal da traffic. In delict penal na dettia betg en quest connex, uschia era nagina inquisiziun penala, scriva la procura publica federala.

L'Uffizi federal da traffic ha prendì enconuschientscha da questa decisiun.

Nus analisain ussa la situaziun e discurrin davart il proxim proceder.
Autur: Florence Pictetpledadra Uffizi federal da traffic

L'Uffizi federal da traffic aveva inoltrà in plant cunter l'AutoDaPosta SA en connex cun la contabilitad sfalsifitgada.

RR novitads 15:00