Siglir tar il cuntegn
cuntegn

Svizra Pro Infirmis e Vasos cunter surveglianza

La Pro Infirmis e la Vasos sustegnan il referendum cunter la lescha davart la surveglianza dad assicurads socials.

Persuna en sutga da rodas.
Legenda: Persunas che retiran daners da l'assicuranza sociala na duain betg vegnir observadas senza cumond uffizial. (maletg simbolic) Keystone

Cun la nova lescha da surveglianza avessian interpresas da surveglianza privatas dapli dretgs che la polizia. Quai na saja betg giustificabel. Cun questa argumentaziun sustegnan l'organisaziun per persunas impedidas Pro infirmis e l'organisaziun da seniors Vasos il referendum cunter la lescha.

Perquai ch'in maldiever d'assicuranzas socialas possia avair consequenzas penalas, stoppian ins ir avant sco tar auters delicts, argumentescha Pro Infirmis plinavant. Ed er Vasos è da l'avis ch'ins duai mo pudair survegliar sch'i dettia in cumond uffizial.

Observaziun senza cumond uffizial

Cun la lescha fiss pussaivel da survegliar insatgi che retira daners da l'assicuranza sociala en ses conturn privat – senza cumond uffizial.

Il zercladur vegn inoltrà il fanadur

Enfin ils 5 da zercladur rimna l'opposiziun da la nova lescha anc suttascripziuns. En il parlament eran ils Socialdemocrats ed ils Verds sa mess cunter la nova lescha.

RR novitads 18:00