Siglir tar il cuntegn
cuntegn

Svizra Prix Walo d'onur per Pepe Lienhard

Sco meglier film è vegnì undrà «Ma vie de courgette» da Claude Barras. Sco megliera producziun da televisiun vala «Gotthard» dad SRF. Premis han era survegnì il comedian Fabian Unteregger, il musicist Trauffer, il fundatur dal chor viril Georg Schlungegger ed Oesch's die Dritten.

Purtret da Pepe Lienhard.
Legenda: Pepe Lienhard ha survegnì il premi d'onur. Keystone

Il 43 avel Prix Walo è stà en il senn da la tematica populara. En la sparta Pop/Rock ha gudagnà il musicist Trauffer ed en la categoria dals Newcomers il fundatur da chor viril Georg Schlunegger. Oesch's die Dritten han battì en la sparta schlagher Beatrice Egli.

Per Oesch's èsi stà il segund Prix Walo ch'els han gudagnà dapi il 2008. Duas giadas sa legrà ha Pepe Lienhard. El ha gudagnà il premi en la categoria Big Band ed e er anc vegnì undrà cun il Prix Walo d'onur per sia ovra da la vita.

Megliera producziun da film è stà il film «Ma vie de courgette» da Claude Barras ch'è era stà nominà per in Oscar. Meglera producziun da televisiun è stà il film «Gotthard» dad SRF.

En la categoria cabarett/comedy han gudagnà Fabian Unteregger e Hazel Brugger. En la sparta dal meglier actur la megliera actura ha gudagnà Leonardo Nigro.

RR novitads 06:00