Siglir tar il cuntegn
Inhalt

Svizra Prix Montagne per la firma vallesana Gomina

La firma vallesana Gomina gudogna il Prix Montagne ch'è dotà cun 40'000 francs. Gomina mussia a moda impressiunanta ch'era ina firma en ina regiun da muntogna possia avair success internaziunal cun innovaziun e qualitad.

In utensil per producir plats da resgia da precisiun.
Legenda: L'interpresa Gomina producescha plats da resgia da precisiun per la chirurgia. berghilfe.ch

Tar la Gomina sa tracta dad in'interpresa da mecanica da precisiun cun 30 collavuraturs. L'engaschament da la firma haja caracter da model ed haja potenzial per inspirar, uschia il commember da la giuria Bernhard Russi. Las stentas da la firma èn ussa vegnidas honoradas cun il «Prix Montagne».

L'interpresa Gomina

Gomina era oriundamain ina fatschenta che furniva plats da resgias. Oz producescha l'interpresa plats da resgiar da precisiun per la chirurgia d'ossa. Ella producescha tut en l'atgna chasa e venda ses products en 13 pajais. 90% dals collavuraturs en l'interpresa sajan dal Goms nua che l'interpresa sa chatta.

Il Prix Montagne

Il Prix Montagne vegn surdà dapi il 2011 mintg'onn da l'Agid per la muntogna e da la gruppa svizra per las regiuns da muntogna. Tranter ils finalists eran era dus projects grischuns: Hotel Piz Linard a Lavin e Warmes Bett a Ilanz/Glion.

RR novitads 12:00