Siglir tar il cuntegn
cuntegn

Svizra Prix Montagne 2017 per interpresa bernaisa

Il Prix Montagne 2017 va a la firma Wyssen Avalanche Control SA. L’interpresa da la Surselva bernaisa gudogna ils 40'000 francs per sias applicaziuns e soluziuns da software da protecziuns cunter lavinas.

pitga per siglientar lavinas, pitga sin grip en la naiv
Legenda: L'interpresa Wyssen Avalanche Control SA bajegia tranter auter era la pitga per siglientar lavinas MAD

Il premi dal publicum, dotà cun 20’000 francs, va al center internaziunal da battasendas a Kandersteg.

Era nominada è stada la senda da viandar da las quatter funtaunas en la regiun dal Gottard, in project cun participaziun grischuna.

Il Prix Montagne surdat la Gruppa svizra per las regiuns da muntogna dapi sis onns. Il premi duai onurar projects ed interpresas che procuran per gudogn, lavur e diversificaziun en las regiuns da muntogna.

RR novitads 12:00