Siglir tar il cuntegn

Header

cuntegn

Svizra «Prix Courage» per il svizzer Michael Räber

Dapi bun in onn s'engascha Michael Räber dal chantun Berna per ils fugitivs sin l'insla greca Lesbos. Per quest'engaschi ha el survegnì da la revista Beobachter il «Prix Courage».

La prestaziun da Räber saja ina prestaziun da herox, ha ditg la presidenta da la giuria, la cussegliera dals chantuns Pascale Bruderer Wyss. La stad 2015 ha Michael Räber atgnamain sulet vulì far vacanzas. Ad Athen ha el inscuntrà fugitivs en situaziuns indegns d'in uman. Dus dis pli tard ha il spezialist dad IT desditg sia plazza e lantschà l'ovra caritivia pitschna «schwizerchrüz.ch».

Dapi lura ha el – era cun agid da passa 100 voluntaris – gidà a fugitivs en differents lieus. Uschia ha el cuschinà per fugitivs sainza in sut tetg ad Athen. A Lesbos ha el gidà da salvar fugitivs sin bastiments. A Idomeni ha el repartì rodund 14'000 pera chalzers a fugitivs.

Nus prendain tuttas decisiuns en vista als fugitivs e na betg ord motivs administrativs.
Autur: Michael Räber

Ord quai motiv saja sia organisaziun er fitg svelta, effectiva ed effizienta. Ses engaschi motivescha il victur dal Premi Courage cun quai ch'el na possia betg guardar tiers sch'el vesia ina ingiustia.

RR novitads 08:00

Artitgels legids il pli savens