«Prix Alice» per «CompiSternli» da Tavau

Lur project mussa ad uffants co els pon scolar seniors da duvrar l'iPad.

Ina mattetta dat in gieu sin in iPad - ins vesa mo l'iPad ed ils mauns pitschens cun unglas coluradas.

Legenda da maletgs: Uffants duain pudair mussar a seniors co duvrar l'iPad. Keystone

L'Associaziun svizra per la furmaziun supplementara ha surdà per la novavla gia il 'Prix Alice'. Quel vegn surdà per l'emprender digital e per la cumpetenza da medias. Tranter ils victurs è er l'Associaziun 'CompiSternli' da Tavau. Ella ha inoltrà in project dad iPad. Uffants vegnan scolads durant 15 lecziuns per ch'els sajan abels da mussar a seniors co duvrar l'iPad.

Da quest emprender sur generaziuns possian profitar omaduas varts, argumentescha l'associaziun il premi. Tut en tut eran vegnids inoltrads 120 projects.

RR novitads 18:00