Svizra - Privats han investì damain en novs projects da construcziun
Fertant che la Confederaziun, ils chantuns e las vischnancas han augmentà lur investiziuns en novs projects da construcziun, han ils privats investì damain. Il minus da 0,8 pertschient saja l'emprima reducziun dapi 8 onns, communitgescha l'Uffizi federal da statistica.
La Confederaziun, ils chantuns e las vischnancas han perencunter augmentà lur investiziuns en novs projects da construcziun per bunamain 10% l'onn 2015. Il volumen da lavurs da construcziun per quest onn è tenor l'uffizi da statistica per 1,5% pli bass ch'il medem termin da l'onn avant. Las investiziuns sajan s'augmentadas tant en il sectur da construcziun auta sco er da construcziun bassa.
