Siglir tar il cuntegn

Header

cuntegn

Svizra Principi da Cassis-de-Dijon en avegnir senza mangiativas

Dapi tschintg onns dastgan products ord pajais da l’UE vegnir vendids senza ulteriuras controllas. L’effect ch’ins ha reducì uschia barrieras commerzialas è pitschen. Sch’i va tenor il Cussegl naziunal alura pudess il principi da Cassis-de-Dijon bainbaud esser istorgia tar las victualias.

Il Cussegl naziunal ha decis da schliar il uschè numna principi da Cassis-de-Dijon per tut las victualias. Perfin represchentants da quels circuls che vulan damain regulaziuns han uss midà maini e vulan directivas pli severas.

Sche jau vul cumprar sirup d’ampuaunas, alura na vul jau betg x in’aua modifitgada.
Autur: Andreas Aebi Cussegliar naziunal PPS
audio
Saira: Sessiun speziala – La debatta davart Cassis de Dijon
ord Actualitad dals 06.05.2015.
laschar ir. Durada: 2 minutas 6 Secundas.

La supplica dal cusseglier naziunal Jacques Bourgeois da stritgar las victualias ord la lescha ha chattà ina maioritad en il cussegl naziunal cun 109 vuschs gea cunter 86 vuschs na ed otg abstenziuns.

Introducziun dal principi

L’onn 2010 era questa midada vegnida introducida en Svizra e pussibilitava che tscherts products ord l’UE pudevan era vegnir vendids en Svizra. Entant è l’import da 47 tals products vegnì lubì.

audio
Saira: Sessiun speziala – La valitaziun da Cassis de Dijon
ord Actualitad dals 06.05.2015.
laschar ir. Durada: 1 minuta 46 Secundas.

Il Cussegl federal quintava ch’ils consuments possian uschia spargnar 2 milliardas francs ad onn. Ma cunzunt rapports sur da products main qualitativs ord l’UE han vilentà ils consuments ed ils producents en Svizra.

RR novitads 14:00

Artitgels legids il pli savens