Siglir tar il cuntegn

Header

cuntegn

Svizra Primas fotografias dals lufs en il Vallais

La gruppa luf svizra ha cumprovà cun fotografias il triep da lufs en il chantun Valais en la regiun dal Augstbord.Il mument sa furma quest triep d’almain quatter lufs tranter quels era ils giuvens da quest onn, scriva la gruppa luf svizra.

Era sch’ins ha pudì fotografar quatter lufs na pon ins betg sclauder la preschientscha dad ulteriurs animals. Ils post specialisads da la confederaziun e dal chantun èn vegnids infurmads.

Normal èn ils animals giuvens cun omadus geniturs per via, di David Gerke da la gruppa luf svizra. Ils luffets èn en la vegliadetgna da var sis mais ed èn en la fasa mobila per pudair suandar lur geniturs sin lur excursiuns. Quants animals ch’èn naschids quest onn en il Valais na po la gruppa luf svizra dentant betg inditgar definitiv.

Las fotografias che la gasetta ‘Walliser Bote’ ha publitgà, èn vegnidas fatgas il november en la regiun Augstbord en il Vallais Sura. Las fotografias mussan ils lufs en la regiun alpina sco era en la naiv.

RR novitads 12:00