Siglir tar il cuntegn

Header

cuntegn

Svizra Pretschs per medicaments duain vegnir pli bass

Cun sbassar ils pretschs per medicaments pon ins ils proxims trais onns spargnar fin 240 milliuns francs. Quai duai esser pussaivel cun mesiras tar generica e la reintroducziun d'examinaziuns regularas da medicaments renconuschids da la cassa.

La regenza svizra ha mess en vigur l'ordinaziun sin l'emprim da mars. Uschia po vegnir cumenzà cun l'examinaziun da mintga trais onns dals pretschs da medicaments. Da nov vegn valità egualmain la cumparegliaziun cun ils pretschs en l'exteriur e l'uschènumnada cumparegliaziun traversala terapeutica.

audio
CF reintroducescha controllas da pretschs da medicaments
ord Actualitad dals 01.02.2017.
laschar ir. Durada: 2 minutas 6 Secundas.

Mesiras tar ils pretschs da generica

La segunda midada pertutga il pretsch dals medicaments generica. Pli aut la svieuta dal medicament original e pli grond che la differenza dal pretsch per generica sto esser. Cun la nova ordinaziun vegn la differenza dal pretsch anc pli marcanta. Ultra da quai duain ils criteris per la franschisa vegnir meglierads.

RR actualitad 15:00

Artitgels legids il pli savens