La reducziun da 0,2% da l'index da pretschs da producents e d'import è cunzunt d'attribuir al sectur dals pretschs da l'import. Quels èn sa reducids per 0,7%. Ils pretschs da producents èn il mars restads stabils.
Pli bass èn ils pretschs cunzunt stads en il sectur da products minerals e spezialitads farmaceuticas. Ma er per autos, motos u l'aluminium e products d'aluminium han ils svizzers pajà pli pauc ch'il favrer. Pli chars èn stads fritgs da minzs e fritgs da cros.
Emprima reducziun dapi mez 2017
Ina reducziun da l'index total aveva la davosa giada dà il zercladur 2017. Suenter eran ils pretschs s'augmentads cuntinuadamain. Perquai è l'index anc adina 2% pli aut ch'il mars da l'onn avant.
RR novitads 12:00