Svizra - Pretschs da consuments èn creschids levet
Per l'emprima giada dapi 3 mais èn ils pretschs da consuments puspè s'augmentads. Tenor l'Uffizi federal da statistica è l'index dals pretschs creschì il mars per 0,3% cumpareglià cun il favrer. Uschia è la chareschia pli ferma che spetgada dals economs.
Sco motiv numna l'Uffizi da statistica la fin da la vendita speziala en il sectur da vestgadira, ils pretschs pli auts per carburant ed ieli da stgaudar. Plinavant èn ils pretschs per rauba importada s'augmentads per passa 1% cumpareglià cun il favrer.
