Siglir tar il cuntegn

Svizra Pretschs d'electricitad crodan... en media svizra

Per l'auter onn èsi da quintar en Svizra cun pretschs levamain pli bass per l'electricitad, almain en la media. Quai resulta d'in enquista che l'Associaziun da las interpresas d'electricitad svizras ha fatg tar 30 dals pli gronds commembers.

pitga d'auta tensiun da sut ensi
Legenda: Ils pretschs na vegnan betg a crudar per tuts tuttina. RTR, Alexi Baselgia

Malgrà taxas pli autas sa sbassan ils pretschs en media per in tegnairchasa cun quatter persunas per 0,8%. Quai na valia dentant betg per tuts. Il svilup dal pretsch tar las singulas interpresas dependia er da la situaziun individuala, sco per exempel da la cumpart a l'atgna producziun u da las taxas regiunalas.

Las 30 firmas dumandadas da l'associaziun furneschan radund la mesadad da l'electricitad che la Svizra consumescha. La digren è duida tranter auter a l'augment da l'effizienza e la reducziun dals custs cun cumprar electricitad.

Il pretsch d'electricitad dependa da 3 elements:

  • Las raits: Dependa da la tariffa che la societad per las raits 'Swissgrid' far pajar per nizzegiar la rait.
  • L'energia: Dependa da la strategia d'acquisiziun da las ovras. Quant è producì e quant vegn cumprà en, cura che l'atgna producziun da renda betg.
  • Las taxas: Dependa dal cust supplementar per l'indemnisaziun per cuvrir ils custs da la furniziun d'electricitad (ICF) e per las mesiras da protecziun da l'aua.

RR novitads 15:00