Siglir tar il cuntegn
cuntegn

Svizra Pretensiun per independenza redacziunala

En Svizra na datti strusch schurnalistas e schurnalists che ston temair per lur vita. La lavur schurnalistica vegn dentant savens impedida, scriva il sindicat Syndicom a chaschun dal di da la libertad da la pressa.

Il squitsch da gasettas.
Legenda: Sin la glista internaziunala da la libertad da medias è la Svizra sin posiziun 7, l’onn passà era ella anc sin posiziun 20. A la testa è la Finlanda. Keystone

Pretensiuns per l’independenza redacziunala èn stadas en il center dal di da la libertad da pressa.

Il sindicat Syndicom ha pledà per in contract collectiv da lavur per redacziuns en la Svizra tudestga e taliana.

Contract da lavur collectiv sco basa

Be in contract collectiv gist saja il fundament per cundiziuns da lavur adequatas per lavurants medials e freelancers. E be cun avunda auts budgets da redacziun sa laschian realisar retschertgas schurnalisticas.

Las medias stoppian aviar independenza garantida envers tuts acturs politics ed econonmics per ademplir lur pensum sco «chauns da guardia da la democrazia».

Libertad mediala er en privel en Svizra

L’associaziun da schurnalists Impressum fa attent che la libertad da medias saja er en Svizra en privel, paucs meds finanzials mainan ad ina concentraziun da las medias, e savens vegnia quai empruvà da restrenscher la libertad da medias davant in dretgira.

RR novitads 17:00