Siglir tar il cuntegn

Svizra Pretensiun: 100 milliuns per firmas d’export

Il president da Swissmem Hans Hess pretenda 100 milliuns francs per firmas da l'export. En in'intervista cun il «SonntagsBlick» exprima il president da l'industria da maschinas d'electro e da metal sia dischillusiun cun il cussegl federal.

Hans Hess
Legenda: Hans Hess, president da Swissmem pretenda dapli sustegn per las firmas d'export. Keystone

Entant che la branscha da turissem survegnia sustegn en vista al ferm franc svizzer, laschia il cussegl federal en la buglia las firmas d'export.

En in rapport dal cussegl federal davart la fermezza dal franc na vegnia l’industria da l’export gnanc ina giada menziunada. Hess fa allusiun al departament da finanzas dad Eveline Widmer-Schlumpf che s'opponia cunter in tal agid.

Hess pretenda 100 milliuns francs per promoziun d’innovaziun da la cumissiun per tecnologia ed innovaziun. Ins possia gidar bleras interpresas cun relativamain paucs meds. Avant tut las pitschnas interpresas profitassan.

RR novitads 12:00