En tut han 45 pertschient dals participants detg ch'els sajan malcuntents ni plitost malcuntents cun la politica. 36 pertschient eran da l'opiniun ch'ella saja en urden. Quai correspunda pli u main als resultats da l’onn avant.
Il pli grond basegn d'agir vesan ils participants tar la politica da sanadad. Sin il segund e terz plaz èn l'immigraziun e la politica d'asil. Per l’emprima giada dapi il 2013 n’èn quels dus puncts betg pli a la testa dal barometer da quitads.
Il pli pauc starment fan als participants da la retschertga ils daivets dal stadi, la politica da traffic e transport sco era l'armada.
A la retschertga online da la plattafurma politica Vimentis èn sa participants passa 22'000 persunas, quai dals 16 d’october enfin ils 27 da december 2017.
RR actualitad 12:00