President dal Tribunal federal demissiunescha

Gilbert Kolly sa retira la fin da quest onn. In successur sco derschader federal n'è anc betg nominà.

Il derschader federal Gilbert Kolly sa retira.

Legenda da maletgs: Il derschader federal Gilbert Kolly sa retira. Keystone

Il president dal Tribunal Federal, Gilbert Kolly sa retira sin la fin da quest onn. Quai communitgescha il Tribunal federal. Il 1998 è Kolly vegnì elegì sco commember dal Tribunal federal ed ha lavurà en pliras partiziuns dal Tribunal federal.

Dapi il 2013 presidiescha Kolly il gremi dals derschaders federals. Cunquai ch'il temp d'uffizi dal president è limità na po Kolly betg pli candidar per in'ulteriura perioda d'uffizi. Kolly piglia quai gist sco chaschun da sa retrair.

Ses successur sco derschader federal elegia l’assamblea naziunala. Il termin n’è però anc betg fixà.

RR novitads 18:00