Siglir tar il cuntegn

Svizra Premieras da films e fatschas rientas

Actualmain han lieu ils 53avels Dis da film a Soloturn. Blers films, ina pluna premieras ed inscunters da tuttas sorts pon ins avair durant quels dis.

159 films, curts e lungs, fictivs ubain la finala era documentaziuns. Ils dis da film porschan per mintga gust insatge. En mintga cas èsi era spezial da vesair suenter las projecziuns ils reschissurs, acturs e protagonists sin la tribuna. Uschia po il public entrar en ina discussiun.

Quest onn vegn il reschissur Christoph Schaub onurà a Soloturn. Ins po vesair 18 da ses films ed inscuntrar el en pliras discussiuns. Schaub è actualmain vid realisar il film fictiv rumantsch «Amur senza fin».

RR actualitad 07:00