Las premias da las cassas da malsauns per giuvens creschids da 19-25 onns sajan savens ina greva chargia finanziala per famiglias, scriva il Cussegl federal. Cun duas mesiras vul el distgargiar ellas:
- Il Cussegl federal vul adattar il sistem da cumpensaziun dal ristg da las cassas da malsauns. Las cassas cun blers giuvens han da sustegnair autras cun blers segirads pli vegls che chaschunan per ordinari dapli custs. Questa cumpensaziun duai vegnir sbassada sin 50%; quai che pussibilitass ina reducziun reala da radund 90 francs il mais. Persuenter creschissan las premias da segirads creschids sur 26 onns per radund 10 francs.
- Sco segunda mesira duain ils chantuns dar a famiglias cun uffants ina pli gronda reducziun tar las premias da las cassas da malsauns. Concret han ils chantuns da reducir las premias per uffants per 80% enstagl dals 50% sco fin ussa.
Las mesiras han ils chantuns da realisar ils proxims onns – il pli tard fin il 2021.
RR novitads 12:00