Siglir tar il cuntegn

Header

cuntegn

Premi Wakker 2021 Il premi va quest onn en il chantun da Vad

La vischnanca Prangins en il chantun Vad vegn onurà quest onn cun il premi Wakker 2021. La vischnanca reageschia cun dapli tgira dals spazis e bajetgs istorics al squitsch d'abitadis, argumentescha la Lia svizra per la protecziun da la patria.

Prangins è ina vischnanca sper Nyon ed è registrà en l'inventari naziunal sco maletg dal lieu da muntada naziunala. Sco spezialmain degns da vegnir protegids vala il chastè ch'è er la sedia dal Museum naziunal en Svizra franzosa. Er il center dal vitg istoric ha speziala valur.

Svilup cun valurs istoricas

La vischnanca da Prangins haja decis da promover lur svilup entras e cun las valurs istoricas e da sviluppar vinavant quellas, ha communitgà la Lia svizra per la protecziun da la patria. La finamira saja da colliar il svilup demografic cun in'auta qualitad da viver.

En favur dal maletg da la vischnanca, la cuntrada ed ils parcs n'haja Prangins betg giu tema da desister sin terren cultivabel.

La vischnanca da Prangins
Legenda: La vischnanca da Prangins sa chatta tranter Losanna e Genevra - gist sper Nyon. Prangins

Il premi vegn surdà ils 27 da zercladur a Prangins.

Victurs dal premi Wakker ils ultims 10 onns

Avrir la box Serrar la box
  • 2021 Pragnins
  • 2020 Baden (AG)
  • 2019 Langenthal
  • 2018 Fundaziun culturala Origen, Riom
  • 2017 Sempach
  • 2016 Rheinfelden
  • 2015 Bregaglia
  • 2014 Aarau
  • 2013 Sion
  • 2012 Köniz
  • 2011 Losanna

Ord l'archiv da SRF:

video
Il Château de Prangins
Or da DRS Aktuell dals 23.10.1987.
laschar ir. Durada: 1 minuta 2 Secundas.

RTR Novitads 11:00

Artitgels legids il pli savens