Sco emprim Svizzer survegn il scrivent Lukas Bärfuss il premi Nicolas-Born. Quest premi surdat il Bundesland Niedersachsen per ovras litteraras extraordinarias.
Tenor la giuria sajan las posiziuns da Lukas Bärfuss adina fermas e stinadas, betg il davos perquai ch'el craja vidlonder ch'il mund saja midabel. El saja in scrivent che na temia en sias ovras betg la provocaziun e dovria tuttas modas da giugar litteraras, scriva la giuria.
