Siglir tar il cuntegn

Svizra Premi da pasch per del Ponte

L'anteriura schefaccusadra da l'ONU, Carla del Ponte, ha survegnì il premi da pasch dal Bundesland Hessen.

Carla del Ponte.
Legenda: Carla del Ponte. Keystone

Per ses engaschi cunter il genocid e cunter crims da guerra è Carla del Ponte vegnida onurada cun il premi da pasch dal Bundesland Hessen. L'anteriura schefaccusadra da l'ONU saja ina piuniera en il cumbat cunter la cultura da la nunchastiabladad ha ditg la laudatura Angelika Nussberger, vicepresidenta dal Tribunal europeic dals dretgs umans.

En ses pled d'engraziament ha del Ponte crititgà fermamain la passivitad da l'ONU en il conflict en la Siria. L'ONU stoppia vegnir refurmada urgentamain, uschia la Tessinaisa da 71 onns. Del Ponte ha retschavì il premi ch'è dotà cun 25'000 euros en il Landtag a Wiesbaden.

RR novitads 15:00