Siglir tar il cuntegn

Header

video
Terz plaz al Swiss Press Award per Sabrina Bundi
Or da Telesguard dals 29.04.2021.
laschar ir. Durada: 2 minutas 59 Secundas.
cuntegn

Premi da medias svizzer 2021 Sabrina Bundi vegn terza en la categoria video

Als Swiss Press Awards è la schurnalista da RTR Sabrina Bundi vegnida terza en la categoria video.

Nomindada era ella en la categoria video per ses film «Zona grischa – pedofilia en il Grischun». En la documentaziun «zona grischa» discurran differents protagonists sur da pedofilia en il Grischun e mussan cun quai, che quella construcziun «quai na datti betg tar nus» è faussa.

Premi principal per trio romand

Sylvia Revello, Boris Busslinger e Célia Héron èn las schurnalistas ed il schurnalist da l'onn 2021. Quai cun lur rapport en la gasetta Le Temps davart mulestas sexualas e mobbing tar radio e televisiun da la Svizra franzosa, RTS.

Las schurnalistas ed il schurnalist da l'onn 2021: Sylvia Revello, Boris Busslinger, Célia Héron.
Legenda: Las schurnalistas ed il schurnalist da l'onn 2021: Sylvia Revello, Boris Busslinger, Célia Héron. MAD, Swiss Press Award

Swiss Press Award

Avrir la boxSerrar la box

Il «Swiss Press Award» vala sco il pli impurtant premi da medias da la Svizra. El vegn surdà mintg'onn da la fundaziun Reinhard von Graffenried per prestaziuns extraordinarias en il schurnalissem.

Ils victurs èn partids en las categorias text, online, audio, video e local. Tar mintga categoria datti trais plazzas. L'emprima plazza è dotada cun 15'000 francs, la segunda cun 3'000 e la terza cun 1'000 francs.

Plinavant elegia la giuria il «Swiss Press Journalist of the Year» – pia la schurnalista u il schurnalist da l'onn. Quai titel è dotà cun 25'000 francs.

Ils victurs e las victuras

CategoriaTgiTema
TextSylvia Revello, Boris Busslinger , Célia Héron – gasetta Le TempsRapport davart las mulestas sexualas tar radio e televisiun da la Svizra franzosa RTS.
AudioSimon Meyer, Katharina Bracher, This Wachter – NZZ am SonntagLa carriera da la politicra turitgaisa Ursula Koch.
OnlineValentin Felber, Sylke Gruhnwald, Dil Alfrose Jahan, Benedict Wermter, Christian Zeier – pagina d'internet www.reflekt.chReportascha davart la miseria en il Bangladesch cura ch'ils gronds concerns da textil han stonrà massa lavurs pervi da la pandemia da corona.
LocalJulian Witschi, Catherine Boss, Marius Aschwanden – Berner ZeitungRapport / retschertgas davart il rument toxic dismess illegalmain sin ina deponia che ha lura tranter auter chaschunà la mort da pèschs en il Blausee.
FotoSarah Carp – fotografa da l'onn per la gasetta Le matin dimancheFotografias da muments a chasa durant il lockdown dal mars ed avrigl cura ch'i aveva num per tuts da star a chasa.
VideoAndrea Levorato, Leila Galfetti, Philippe Blanc, Gaetano Agueci – RSI LA1Film davart il cumenzament e l'andament da la pandemia da corona en il Tessin.

Per guardar: «Zona grischa – pedofilia en Grischun»

video
Zona grischa – pedofilia en il Grischun
Or da Cuntrasts dals 18.10.2020.
laschar ir. Durada: 27 minutas 49 Secundas.

RTR novitads 21:00

Artitgels legids il pli savens