Siglir tar il cuntegn
Inhalt

Svizra Premi d'onur per Bruno Ganz

L’actur Bruno Ganz survegn quest onn il premi d’onur dal film svizzer. Quai scriva il Departament federal da cultura. Il premi vegn surdà a Ganz ils 24 da mars a Genevra tras Alain Berset. Il premi è dotà cun 30'000 francs.

purtret da l'actur Bruno Ganz
Legenda: L'actur Bruno Ganz vegn onurà da la Confederaziun. Keystone

Actualmain è Bruno Ganz da vesair en il film «Un juif pour l'exemple» da Jacob Berger. Quest film è nominà en la categoria «meglier film lung» al Premi dal film svizzer.

Gudagnà pliras giadas Premi dal film svizzer

Ils films, nua che Ganz ha giugà, sajan vegnids onurads gia pliras giadas cun il premi dal film svizzer, scriva il departament. L'onn 2001 ha Ganz survegnì in premi per sia rolla en il film «Pane e tulipane» da Silvio Soldini. Vitiers ha el giugà la rolla principala en il film «Vitus» da Fredi M. Murer ch'è vegnì onurà il 2007 sco meglier film svizzer.

Onurà per ovra da vita

Bruno Ganz ha 75 onns ed è vegnì onurà ils ultims onns gia pli savens per sia ovra da vita. Uschia il 2016 a chaschun dal premi da film da la Baviera, il 2014 als Swiss Awards u il 2010 il premi da film europeic.

RR novitads 12:00