Siglir tar il cuntegn
cuntegn

Svizra Praschunier privlus è scappà ord praschun a Friburg

L’um ch’è sentenzià a praschun per vita duranta pervi d'in mazzament saja scappà la notg sin sonda ord la praschun centrala a Friburg.

Praschun centrala Friburg
Legenda: Ord questa praschun è il praschunier scappà sonda notg tranter las duas e las trais. Keystone

Tenor la polizia chantunala vegnia il praschunier da 35 onns taxà sco privlus. Plinavant communitgescha ella che l'um arrestà haja probablamain gì agid d'ordaifer per la fugia ord sia cella singula. Las autoritads èn da l’avis ch’el na sa chattia entant betg pli en Svizra.

La procura publica ha instradà ina inquisiziun per sclerir, co i ha pudì vegnir a questa fugia. Plinavant vegn il praschunier tschertga en Svizra ma er sur ils cunfins ora.

RR novitads 14:00