La radunanza da delegads a Lausen en il chantun Basilea Champagna ha decidì d'elavurar il text per l'iniziativa da restricziun, l'iniziativa che vul limitar l'immigraziun.
La lantschada da l’iniziativa è stada indiscutabla. Ils delegads eran perina che la libra circulaziun da persunas cun l’UE stoppi «ussa davent». Ils problems vegnian di per di pli gronds, hai gì num en in votum. Menziunà è vegnì il dumber dals dischoccupads. La Svizra na duai betg sfundrar en la mediocradad, hai gì num vinavant.
Planisà è che l'iniziativa vegn lantschada sin la fin da l'onn ensemen cun la AUNS, l'Acziun per ina Svizra independenta e neutrala.
RR novitad 15:00