Siglir tar il cuntegn

Header

Navigaziun

cuntegn

Svizra PPS gudogna probabel vitiers 11 sezs

Tenor l'emprima calculaziun approximativa da la SRG gudogna la partida populara svizra 11 mandats ed è la gronda victura da las elecziuns. La PLD fa in plus 3 mandats. Ils perdiders èn ils Verds cun minus 5 ed ils Verdliberals cun minus 6.

1. calculaziun approximativa da la SRG

Gia definitivamain gudagnà vitiers sez ha la PPS en ils chantuns Argovia, Lucerna, Son Gagl, Sviz, Turgovia ed Uri. Era en ils chantuns Berna e Turitg prevesa la calculaziun approximativa che la PPS gudogna vitiers.

Argovia: PPS e PLD gudognan in sez en il Cussegl naziunal

Il chantun Argovia ha danov in ulteriur sez en il Cussegl naziunal. La victura da las elecziuns, la PPS, ha segira quest sez. Entant gudagna la PLD in sez sin donn e cust da la PS. Il sindicalist Max Chopard n'è betg pli elegì. Las ulteriuras partidas tegnan lur sezs.

Glaruna: Martin Landolt resta Cusseglier naziunal

Il schef da la PBD e Cusseglier naziunal fin qua, Martin Landolt, resta era vinavant Cusseglier naziunal. El gudogna l'elecziun cun radund 700 vuschs dapli che ses concurrent Jacques Marti (PS).

Son Gagl: Gilli e Kessler perdan lur sezs

Omaduas Cusseglieras naziunalas, Margrit Kessler d'Altstätten (PVL) er era Yvonne Gilli da Wil (PES) perdan lur sezs. La PS ha pers passa 3%.

Turgovia: Grazia a Hermann Hess reconquista la PLD in sez

La PLD dal chantun Turgovia ha puspè in sez en il Cussegl naziunal. Procurà per quai ha il candidat Hermann Hess.

Uri: Beat Arnold conquista sez dal Cussegl naziunal per PPS

Il nov Cusseglier naziunal uranais sa numna Beat Arnold. Il directur da segirezza da l'Uri gudogna per l'emprima giada per la PPS in sez per il Cussegl naziunal. Annalise Russi e Frieda Steffen restan senza success.