PPS e PLD: «Refurma da rentas è ina pseudo-refurma»

Per la partida populara Svizra ed ils liberal-democrats è la refurma da las rentas 2020 ina pseudo-refurma. Cun questa na restian betg mo ils problems structurals da la prevenziun da la vegliadetgna - l’AVS vegnia schizunt extendida, quai che mainia ad ina fora finanziala anc pli gronda.

Il suveran svizzer decida ils 24. da settember davart la refurma da las rentas 2020.

Legenda da maletgs: Il suveran svizzer decida ils 24. da settember davart la refurma da las rentas 2020. Keystone

Avant las medias a Berna han la partida populara ed ils liberal-democrats cunzunt crititgà l'augment da la renta d’AVS per 70 francs e las pli autas rentas per conjugals. Per questas prestaziuns supplementaras na sajan ils daners simplamain betg pli denturn a partir dal 2030.

Alternativas concretas mancan

L’allianza s’engascha perquai per in na ils 24 da settember. Quai fetschia liber la via per ina vaira refurma che saja pli gista e sincera. Pass da refurma concrets numnan ils represchentants da l’allianza però betg.

RR novitads 17:00