Siglir tar il cuntegn

Svizra PPS e PLD cun surpaisa mediala

En il cumbat electoral da quest onn han las grondas gasettas svizras rapportà fin ussa savens da las partidas PPS e PLD. La PS e la PBD èn medialmain sutrepreschentadas en connex cun lur quota d’electurs.

gasettas da la dumengia
Legenda: Las partidas n'èn betg adina represchentadas en las gasettas tenor lur quota d'electurs. Keystone

Quai resulta dal monitur da reputaziun politica da l'institut publicitad e societad da l'universitad da Turitg. Bunamain in terz dals rapports da medias examinads han tractà la PPS, bunamain in tschintgavel la PLD. Cunquai survegnan las duas partidas burgaisas sur la mesadad da la preschientscha mediala, malgrà ch’ellas uneschan ensemen var 40 % da la quota d’electurs.

Dal monitur da reputaziun resulta era che las medias rapportan per gronda part a moda negativa da las partidas.

L’institut da perscrutaziun ha intercurì ils rapports davent dal 1. da schaner fin ils 31 d’avust da quest onn da las 6 grondas gasettas en la Svizra tudestga ed en la Ramandia.

RR novitads 18:00