La participaziun a las elecziuns ha muntà a 30,4%.
Las victuras da las elecziuns per il parlament chantunal èn la PPS e la PLD che han gudagnà ulteriurs trais respectivamain dus sez. Uschia ha la direcziun da la partida da la PPS betg cuntanschì lur finamira da tschintg sezs supplementars. Ella ha dentant pudì reconquistar ina part dals diesch sezs ch’ella aveva pers a l’ultim’elecziun.
Er ils Verdliberals han survegnì in ulteriur sez. L’attenziun augmentada tras ils candidats per il Cussegl dals chantuns e per la regenza chantunala han segiramain gidà la partida latiers.
La PBD perda dus sezs ed ha uschia anc trais sezs en il parlament chantunal. Medemamain dus sezs perda la PS. La PCD e la UDF perdan mintgamai in sez.
Senza midament resta il dumber da sez da la Partida evangelica svizra cun tschintg sez e dals Verds cun nov sezs. Ils Verds han uschia pudì franar il trend aval dals ultims onns.
RR novitads 18:00