Siglir tar il cuntegn
Inhalt

Svizra PPS bunamain dapertut a la testa

Tar las elecziuns da la dumengia passada è la Partida populara svizra stada quasi dapertut a la testa, vul dir, tar tut las vegliadetgnas, confessiuns, classas d'entradas sco er tar ils umens e da nov er tar las dunnas. Quai mussan las retschertgas da l'institut per perscrutaziun gfs.berna.

Heinz Brand e Magdalena Martullo Blocher.
Legenda: Heinz Brand e Magdalena Martullo Blocher èn ils represchentants grischuns per il Cussegl naziunal. Keystone

Tar ils umens sco er tar quels tranter 18 e 39 onns era la PPS a la testa – quai avant la PLD. Tar las dunnas e tar ils umens tranter 40 e 65 sco er sur 65 rangava la PS sin plazza 2 – suenter la PPS.

PPS è ferma en la champagna ed en aglomeraziuns

En vischnancas da champagna ed en aglomeraziuns da tuttas grondezzas èsi plitost vegnì votà per represchentants da la PPS. Sulettamain en citads pli grondas e tar persunas cun scolaziuns pli autas ha la Partida socialdemocratica gudagnà.

Per la retschertga via telefon han ins dumandà dumengia passada 1017 persunas cun dretg da votar.

RR novitads 17:00