Siglir tar il cuntegn

Header

cuntegn

Svizra Povradad: 570'000 persunas pertutgadas

Mintga 14avla persuna en Svizra è pertutgada da povradad e schizunt mintga setavla persuna è periclitada da povradad. Quai mussan las pli novas cifras che l'Uffizi federal da statistica ha publitgà. Cumpareglià cun l'onn avant è la povradad s'augmentada levamain en Svizra.

audio
Saira: Passa in mez milliun umans èn pertutgads en Svizra
ord Actualitad dals 15.05.2017.
laschar ir. Durada: 2 minutas 12 Secundas.

145'000 umens e dunnas èn povras malgrà ch'ellas han ina lavur. 49'000 uffants vivan en tegnairchasa pertutgads da povradad. Questas cifras fan surstar, n'èn dentant betg novas. Dapi il 2010 eruescha l'Uffizi federal da statistica las datas davart la povradad. Durant quest temp èn ils motivs che sforzan ils carstgauns en la povradad restads ils medems: Furmaziun mancanta, perdita da la plazza da lavur, trais u dapli uffants en ina famiglia sco era la separaziun u il divorzi. Quai èn ils pli gronds ristgs per la povradad en Svizra.

I dovra l'engaschament da tuts

Cun il program naziunal cunter la povradad il 2013 ha la Confederaziun vesì il basegn d'agir. Durant tschintg onns vegnan elavurads en il program principis davart la povradad ed ils acturs centrals da vischnancas, chantuns, Confederaziun e la societad civila vegnan colliads. Caritas crititgescha dentant che la largia tranter «savair» e «far» vegn adina pli gronda. Savens vegn spargnà sin donn e cust da l'engaschi cunter la povradad e sco motiv vegn numnà il squitsch da spargnar.

RR novitads 11:00

Artitgels legids il pli savens