Postfinance vinavant mo in zic banca

La Postfinance dastga vinavant esser banca mo parziala. Schegea che la Postfinance ha ina licenza da banca na dastga ella betg vender credits u ipotecas.

Postomats en ina filiala da la Postfinance

Legenda da maletgs: La Postfinance resta banca, na dastga dentant vinavant betg vender credits u ipotecas. Keystone

Quai resta uschia: La cumissiun per traffic e telecommunicaziun dal Cussegl dals chantuns ha refusà ina moziun cun 8 encunter 3 vuschs.

Cun questa vuleva il cusseglier dals chantuns Roberto Zanetti dal Soloturn lubir credits ed ipotecas a la Postfinance. Uschiglio stoppia questa far las investiziuns en firmas da l'exteriur e deponer memia blers daners tar la banca naziunala. La vendita da credits ed ipotecas en collavuraziun cun la Münchner Hypothekenbank na saja betg optimala perquai che la valurisaziun capitia uschia en la Germania.

RR novitads 15:00