Siglir tar il cuntegn

Header

Navigaziun

inscripziun postfinance vid in bajetg
Legenda: Spargnaders che han dapli ch'in milliun tar la Postfinance ston pajar ina taxa. Keystone
cuntegn

Svizra Postfinance introducescha tschains negativs per clients privats

Sco emprim institut da finanzas grond en Svizra introducescha la Postfinance tschains negativs per lur clients privats. Per respargns da sur in milliun francs pretenda la Postfinance dals spargnaders ina taxa dad 1%, quai scriva Postfinance.

Sco motiv numna Postfinance ils tschains negativs per contos da giro tar la banca naziunala. Quest onn haja l'institut gia stuì pajar dapli che 10 milliuns francs tschains a la banca naziunala, scrivan ils responsabels.

Dapi il schaner 2015 pretenda da facultads da giro sur 10 milliuns francs in tschains negativ da 0,75%. Postfinance è pir la segunda banca en Svizra che dat vinavant il tschains negativ a ses clients privats. Fin ussa ha sulet la Alternative Bank fatg quai. Quest institut è dentant cun 30'000 clients bler pli pitschen che la Postfinance cun ses radund trais milliuns clients.

RR novitads 11:00