Siglir tar il cuntegn
Inhalt

Svizra Posta prolunghescha contract collectiv da lavur

Ils partenaris socials han prolungà anticipadamain il contract collectiv da lavur per ils emploiads da la posta per dus onns. Il contract vala ussa fin la fin dal 2020.

Purtret d'in logo da la posta.
Legenda: La Posta prolunghescha las cundiziuns dal contract collectiv enfin il 2020. Keystone

Cun la prolungaziun anticipada dal contract collectiv da lavur veglia la posta dar stabilitad a lur collavuraturs. Quai han communitgà la Posta, il sindicat Syndicom e l’associaziun dal persunal Transfair. La finamira saja d’offrir cundiziuns d’engaschament modernas als 33’000 collavuraturs.

Ils contracts collectivs da lavur actuals valan dapi il prim da schaner dal 2016 ed han ina durada da trais onns. Quellas cundiziuns avessan en sasez stuì vegnir regladas da nov per l'emprim da schaner 2019.

RR novitads 12:00