Siglir tar il cuntegn
Inhalt

Svizra Posta preschenta ils plans da restructuraziun

En futur vegn quai ad avair anc tranter 800 e 900 uffizis postals. Quai la conclusiun dals discurs cun ils represchentants dals chantuns communitgescha la Posta. La rait postala da l'avegnir porscha dapli servetschs e marcantamain dapli pussaivladads d'access u automats da 24 uras.

Sco La Posta svizra ha communitgà duain ils servetschs d'access vegnir augmentads fin l'onn 2020 dad oz 3'800 sin 4'200. Dentant vegn il dumber d'uffizis postals reducì sin tranter 800 e 900 uffizis postals.

Dentant empermetta la Posta da betg serrar uffizis postals senza cumpensaziun. Els veglian discutar sur d’alternativas cun las vischnancas, ha communitgà la Posta.

Sindicat crititgescha la mancanza da transparenza

Il sindicat da las medias e da la communicaziun syndicom crititgescha che la Posta preschentia aria chauda e nagina strategia. La posta cuntinueschia da reducir il service, uschia scriva il sindicat en ina communicaziun. Il svilup da la purschida da servetschs na saja betg transparent. La suprastanza centrala da syndicom haja deliberà ina resoluziun che pretendia da cumbatter vinavant la reducziun d'uffizis postals.

RR novitads 12:00