Siglir tar il cuntegn

Svizra Posta per gentar en chascha da brevs

La posta duai esser enfin il pli tard las 12.30 en chascha da brevs. Il Cussegl naziunal ha oz decis da sustegnair ina moziun correspundenta dal cusseglier naziunal grischun Martin Candinas. Quai cun 132 cunter 52 vuschs.

La gasetta duai esser enfin mezdi en chascha da brevs
Legenda: La gasetta duai esser enfin mezdi en chascha da brevs prentenda il Cusseglier naziunal Martin Candinas. Keystone

Tenor Martin Candinas duai vegnir reglà che mintgina e mintgin survegn la posta il pli tard a las 12:30. Ina maioritad dal Cussegl naziunal sustegna el. Surtut en las regiuns perifericas vegnia la posta mintgatant pli tard.

Quai na po betg esser ch'ins survegn la gasetta pir il suentermezdi. Lura èn las novitads en quella gia veglias.
Autur: Martin CandinasCusseglier naziunal PCD GR

Il Cussegl federal na vul dentant betg reglar quai. Decisiuns operativas sajan chaussa da La Posta. La politica n'haja betg da sa maschadar en, di la cussegliera federala Doris Leuthard.

In pajais cuntent che ha sulettamain tals problems.
Autur: Doris LeuthardCussegliera federala PCD

Sco proxim tracta il Cussegl dals chantuns la moziun da Candinas. Suonda quel la chombra gronda avess quai tant consequenzas per l’organisaziun dal la repartiziun dal la posta sco era per ils clients ed abunaments da gasettas quotidianas.

RR actualitad 17:00