Siglir tar il cuntegn
cuntegn

Svizra Posta: Las premissas minimalas na bastan betg

L’autoritad da surveglianza da la Posta Svizra, la PostCom, crititgescha che l’ordinaziun da posta prescrivia uschè pauc che quai na dettia naginas directivas ed uschia era nagina lingia da svilup visibla per la rait postala en Svizra.

Il president da la Postcom Hans Hollenstein preschenta il rapport annunal 2016.
Legenda: Il president da la Postcom Hans Hollenstein preschenta il rapport annunal 2016. Keystone

La cumissiun da la Posta Svizra, PostCom, crititgescha las premissas minimalas per sviluppar la rait d’uffizis postals. En vista a l’impurtanza dal service public na saja la situaziun per la populaziun il mument betg cuntentaivla, scriva la PostCom en ses rapport annual.

100 uffizis da posta vegnan transfurmads ad onn

En media vegnan radund 100 uffizis da posta transfurmads ad onn. Fin il 2020 duaja anc dar tranter fin 900 uffizis da posta tradiziunals en l’entira Svizra. La fin dal 2016 devi anc bun 1'300.


RR novitads 11:00