Siglir tar il cuntegn
cuntegn

Svizra Posta lantscha project cun dronas

A Berna transporteschan a partir dad immediat dronas provas da labor tranter il labor central da l'Inselspital e quel da l'ospital Tiefenau. Las dronas sgolan uschia radund trais kilometers per viadi. Davos il project da pilot stat la Posta Svizra.

ina drona en l'aria cun in pachet da la Posta Svizra
Legenda: Ina drona dal tip Matternet M2 sgola avant l'Inselspital a Berna. Keystone

En cumparegliaziun cun il transport entras il currier sin la via sa laschia uschia spargnar impurtant temp per ils medis ed ils pazients, hai num en ina communicaziun da la Posta.

Las dronas èn en funcziun durant duas emnas durant minimalmain 10 dis. Suenter vegnan ils sgols analisads e la gruppa decida sche las dronas duain en l'avegnir surpigliar il transport da provas da labor.

Bilantscha intermediara positiva a Lugano

Il mars 2017 ha la Posta preschentà ensemen cun l'interpresa da dronas Matternet per l'emprima giada ina colliaziun da dronas tranter dus ospitals a Lugano. Il project en il Tessin va l'october en ina segunda fasa. La bilantscha fin ussa è positiva, scriva la Posta. La drona haja fatg passa 1'000 sgols senza incap.

RR novitads 15:00