Siglir tar il cuntegn
cuntegn

Svizra Posta ha deactivà pussaivladad da sviar pacs

Criminals han malduvrà la pussaivladad da sviar pacs. Perquai ha la Posta deactivà quella.

Purtret d'in pachet.
Legenda: Da la pussaivladad da sviar pacs è vegnì fatg maldiever tar la Posta. Keystone

Dapi la fin favrer saja la funcziun bloccada, ha la Posta confermà envers l'agentura da novitads svizra. Uss amplifitgescha la Posta la funcziun cun ina procedura da confermar il sviament via telefonin.

Ils criminals surpigliavan la controlla da contos d'e-mail cun agid da «phishing». Lura empustavan els rauba e sviavan il pac cun duvrar l'annunzia automatica da la Posta ch'in pac è sin viadi. Vi d'in automat da pacs, pudevan els la finala ir per il pac.

Phishing

Phishing numnan ins l'emprova da vegnir sur paginas d'internet faussas u e-mails vid datas persunalas d'ina persuna. Lura pon ins survegnir access sin contos u cartas da credit da quellas persunas.

RR novitads 16:00